safal jiban ka yatra

एक दिन पुस्तक पसलमा ग्राहक आए । केहीक्षण पुस्तक हेरिसकेपछी उनले पसलको एक कर्मचारीसित सोधे " यो पुस्तकको मूल्य कति हो ? "

जवाफ मिल्यो " एक डलर "

" केही कम हुन सक्दैन ? "

" कम गर्न सकिँदैन ", पसलको कर्मचारीले स्पष्टसँग भनिदिए ।

ग्राहकले केहीक्षण सम्म अर्को पुस्तक हेर्न थाले , फेरि उनले कर्मचारी सित सोधे " के तपाईं पसलको मालिकलाइ बोलाउनुहुन्छ ? म उहालाई भेट्न चाहन्छु "

पसल मालिक आएपछी ग्राहकले उनिसित सोधे " यो पुस्तक तपाईं कतिसम्म घटाएर दिन सक्नुहुन्छ ? "

जवाफ मिल्यो " सवा डलर "

ग्राहक आश्चर्यचकित भए , उनले भने " तर भर्खरै तपाइको कर्मचारीले यसको मूल्य एक डलर बताइरहेको थियो ।

" हो , भनेको थियो होला , अरु पैसा मेरो समयको मूल्य हो "

" ठिक छ जुन मूल्य लिने हो त्यो अन्तिम पटक बताउनुहोला " ग्राहकले भने ।

" अब डेढ डलर , तपाईं जति ढिलो गर्दै जानुहुन्छ त्यति नै यसको मूल्य बढ्दै जान्छ , किनकी समयको मूल्य पनि यसैसित जोडीदै जान्छ "

ग्राहकसँग अरु कुनै उपाय थिएन , उनले एक डलर को ठाउँमा डेढ डलर तिरेर पुस्तक लगे । साथै उनलाई ` समयको मूल्य पनि ज्ञात ´ भयो ।

समयको मूल्य बताउने त्यो पसलको मालिक थिए बेन्जामीन फ्रेन्कलिन । जो पछि अमेरीकाका प्रख्यात अविष्कारक , राजनितीज्ञ र दार्शनिक बने।